व्यवसायी पङ्गेनीद्वारा वालिङ खानेपानी संस्थाकाे सचिव पदमा उम्मेदवारी घोषणा

अन्य पार्टी

गृहपृष्ठ
अन्य पार्टी

चुनावकाे रन्काे व्यवसायी पङ्गेनीद्वारा वालिङ खानेपानी संस्थाकाे सचिव पदमा उम्मेदवारी घोषणा

सौर्य न्यूज शनिबार, चैत २३, २०८१

२३ चैत्र, वालिङ । वालिङ साना शहरी खानेपानी तथा सरसफाई उपभोक्ता संस्थाको वार्षिक साधारण सभा तथा तेस्रो अधिवेशन यही चैत्र २५ गतेलाई डाकिएको छ ।

वार्षिक साधारण सभासँगै अधिवेशनबाट नयाँ नेतृत्व चयन हुने भएकाले विभिन्न व्यक्तिहरुले औपचारिक र अनौपचारिक रुपमा उम्मेदवार घोषणा गरेका छन् ।

वालिङ नयाँ बजारका औषधी व्यवसायी मणि प्रसाद पङ्गेनीले सचिव पदका लागि उम्मेदवार घोषणा गरेका छन् । पङ्गेनीले सामाजिक सञ्जाल ‘फेशबुक’मा लेखेका छन्, ‘आदरणीय वालिङवासी आमा–बुवा, दाजुभाई दिदी बहिनीहरु सबैमा नमस्ते । म यही २५–२७ सम्म हुन लागेको वालिङ शहरी खानेपानीको सचिव पदमा उम्मदेवार दिन लागेको सहर्ष जानकारी गराउँदै हजुरको अमूल्य मत र सहयोगको अपेक्षा गर्दछु ।’ सौर्य न्यूजसँग कुरा गर्दै पङ्गेनी आफू कुनै पार्टीबाट नभइ स्वतन्त्र रुपमा उम्मेदवारी दिने बताए ।

आफ्नो उम्मेदवारी किन भन्ने विषयमा उनी लेख्छन्, ‘संस्था भित्र देखिएका बेथितिको अन्त्य गर्न, महङ्गो महसुल घटाउन, खानेपानी जनताको बनाउन, संस्थामा राजनीति हस्तक्षेप अन्त्य गर्न र खानेपानी प्राण हो सो सबैमा सहज गराउन ।’

हालसम्म संस्थामा ३ हजार ३२ जना उपभोक्ता छन् । साधारणसभा तथा अधिवेशनमा भाग लिन चाहनेहरुका लागि आज कार्यालय समयमा नयाँ उपभोक्ता र नामसरी गर्न सक्ने कार्यालयले जनाएको छ ।

प्रकाशित मिति: शनिबार, चैत २३, २०८१ ११:४५

प्रतिक्रिया दिनुहोस्