२४ फागुन, वालिङ । वालिङ चेम्बर अफ कमर्सद्वारा आयोजित ‘प्रथम पिंक सिटी वालिङ महोत्सव–२०८१’ मा आयोजना गरिने पालिका स्तरीय खुला पुरुष भलिबल प्रतियोगिताको तयारी पुरा भएको आयोजकले जनाएको छ । प्रतियोगितामा ६ समूहले दर्ता गरेको वालिङ चेम्बर अफ कमर्सका सदस्य एवम् भलिबल प्रतियोगिताका संयोजक उम राज गुरुङ (राज) गुरुङले जानकारी दिए ।
प्रतियोगितामा प्रथम हुने समूहले १ लाख ५५ हजार रुपैयाँ, शिल्ड, मेडल र प्रमाण–पत्र पाउनेछन् । द्वितीय तर्फले नगद १ लाख ५ हजार, शिल्ड, मेडल र प्रमाण–पत्र र तृतीयले ५५ हजार शिल्ड, मेडल र प्रमाण–पत्र पाउँनेछन् । सन्त्वना तर्फ नगद ३० हजार रुपैयाँ शिल्ड, मेडल र प्रमाणपत्र पाउँनेछन् ।
प्रतियोगिताको खेल अवधिभर उत्कृष्ट खेल प्रदर्शन गर्ने एकजना खेलाडीले नगद ५ हजार रुपैयाँ, प्रमाणपत्र, ट्रफी र मेडल पाउँनेछन् । यस्तै उत्कृष्ट स्पाइकर, उत्कृष्ट सेटर, उत्कृष्ट मिड ब्लकर, उत्कृष्ट सर्भर र उत्कृष्ट डिफेन्डर छानिने खेलाडीले नगद ३ हजार रुपैयाँ, प्रमाणपत्र र ट्रफी प्राप्त गर्नेछन् ।
प्रतियोगितामा धन बहादुर भट्ट, हिमाल सुनारी, विष्णु बस्नेत लगायतका राष्ट्रिय खेलाडीहरुले खेल्दैछन् । भट्ट नेपाल आर्मी क्लब, सुनारी गण्डकी र बस्नेत टिपटप हेल्प नेपालमा आवद्ध रहेका छन् ।
भलिबल हेर्नका लागि करिब २ हजार दर्शक अट्ने प्याराफिट बनाइएको छ ।
प्रतियोगिताको उद्घाटन फागुन २६ गते हुने आयोजकले जनाएको छ ।
फागुन २१ गते देखि सुरु भएको महोत्सव चैत्र ३ गते सम्म चल्नेछ ।
