२५ फागुन, वालिङ । वालिङमा आयोजित ‘प्रथम पिंक सिटी वालिङ महोत्सव–२०८१’मा आज (आइतबार) गायक जीवन शर्मा र गायिका रचना रिमाल आउने भएका छन् ।
जनवादी गायक शर्मा र ‘भर्सटायल’ गायिका रिमालको विशेष प्रस्तुति रहने कार्यक्रमको सञ्चालन प्रजापति पराजुलीले गर्ने आयोजकले जनाएका छन् ।
जीवन शर्माको ‘झरनाको चिसो पानी’, ‘सिमली छाँया’ लगायत दर्जनौं जनवादी र प्रगतिशिल गीतहरु चर्चित छन् ।
गायिका रचना रिमालले ‘फोटो फिरिममा’, ‘उनको प्रीति’, ‘तिमीले सोचे भन्दा धेरै’ चर्चित गाइसकेकी छन् ।
गायक एवम् कार्यक्रम सञ्चालक प्रजापति पराजुलीको ‘के खान्छ्यौ कमला ?’, ‘बयारघारीमा ...’ लगायत दर्जनौ गीतहरु चर्चित छन् ।
यस्तै आज चोलेन्द्र पौडेल, जीवन शर्मा, शिवहरी ढुङ्गाना, सरस्वती लामिछाने, किसु गुरुङ, अनिल लम्साल, उदयराज डुम्रेको गायन प्रस्तुति रहनेछन् ।
हाँस्य तर्फ पुरुषोत्तम पुर्खे बा र नृत्य तर्फ दीपा रनपालको रहनेछन् ।
वालिङको माले बगरमा फागुन २१ देखि जारी महोत्सव चैत्र ३ गते सम्म चल्नेछ ।
