५ फागुन, वालिङ । नेपालकै जेठो पब्लिक क्याम्पस वालिङ बहुमुखी क्याम्पसमा स्वतन्त्र विद्यार्थी युनियनको निर्वाचन जारी छन् । सत्तारुढ दुई दल नेकपा (एमाले) निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र नेपाली काँग्रेस निकट नेपाल विद्यार्थी संघ (नेविसंघ) प्यानल बनाएर चुनावी मैदानमा होमिएका छन् ।
अनेरास्ववियुबाट विष्णु पंगेनी (निश्चल) स्ववियु अध्यक्षमा उम्मेदवा बनेका छन् भने नेविसंघबाट निरज श्रेष्ठ रहेका छन् ।
पंगेनीको प्यानलमा सचिवमा विना रेग्मी, भुम बहादुर राना (किस्मत) र प्रत्यक्ष सदस्यहरुमा सफल लुईटेल, सुरक्षा खत्री, अमन परियार, स्नेहा एस.के., भिम प्रसाद डुम्रे र कविना राना उम्मेदवार बनेका छन् ।
श्रेष्ठको प्यानलमा सचिवमा ममता रेग्मी, कोषाध्यक्षमा विवेक कुँवर र प्रत्यक्ष सदस्यहरुमा पुजा कोइराला, नम्रता पौडेल, पवित्र वि.क., प्रवेश पौड्याल, दिपा कुमारी आले र याम प्रसाद पंगेनी रहेका छन् ।
कक्षा ११ देखि स्नातकोत्तरसम्म अध्ययन–अध्यापन हुने क्याम्पसमा ९९४ जना मतदाताले स्ववियु निर्वाचनमा भाग लिदैछन् । समाचार तयार गर्दासम्म करिब २५० मत खसेको निर्वाचन समितिले जनाएको छ ।
