५ फागुन, वालिङ । वालिङ बहुमुखी क्याम्पसकाे स्वतन्त्र विद्यार्थी युनियनकाे निर्वाचनकाे मतदान सम्पन्न भएकाे छ । कुल ९९४ मतदाता रहेकाे निर्वाचनमा ७२८ मत खसेकाे निर्वाचन समितिले जनाएकाे छ । मतगणना साँझ ६ बजेबाट गरिने निर्वाचन समितिले जानकारी दिएकाे छ ।
सत्तारुढ दुई दल नेकपा (एमाले) निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र नेपाली काँग्रेस निकट नेपाल विद्यार्थी संघ (नेविसंघ) प्यानल बनाएर चुनावी मैदानमा होमिएका छन् । दुई संगठनबिच कडा प्रतिस्पर्धा हुने आँकलन गरिएकाे छ ।
अनेरास्ववियुबाट विष्णु पंगेनी (निश्चल) स्ववियु अध्यक्षमा उम्मेदवा बनेका छन् भने नेविसंघबाट निरज श्रेष्ठ रहेका छन् ।
पंगेनीको प्यानलमा सचिवमा विना रेग्मी, भुम बहादुर राना (किस्मत) र प्रत्यक्ष सदस्यहरुमा सफल लुईटेल, सुरक्षा खत्री, अमन परियार, स्नेहा एस.के., भिम प्रसाद डुम्रे र कविना राना उम्मेदवार बनेका छन् ।
श्रेष्ठको प्यानलमा सचिवमा ममता रेग्मी, कोषाध्यक्षमा विवेक कुँवर र प्रत्यक्ष सदस्यहरुमा पुजा कोइराला, नम्रता पौडेल, पवित्र वि.क., प्रवेश पौड्याल, दिपा कुमारी आले र याम प्रसाद पंगेनी रहेका छन् ।
