बिचलित पानीका
ए फोहोराहरु
कुन मरुभूमी
जान तैरिदैछौ
लामबद्व भएर
बलेसिका रेखाहरुमा ।
बग्नेहरु उड्न सक्छन्
स्वच्छन्द बाफ बनेर
जम्नेहरु पग्लिन सक्छन्
स्वच्छ स्वजन भनेर ।
स्वप्न स्वयम बनेर
स्वभाव स्वदेश मै
रहन सकोस्
स्वतन्त्र स्वरुप बनेर
स्वर्ग बनाउनु छ
आफ्नै माटो कुदेर ।
फुलाउनु छ
सभ्यताको सुनखरी
सजाउनु छ नयाँ पुस्ताको
इतिहासको लागि
इन्देणीको छहरीमा
कुदेर राख्नु छ
सुनौलो अक्षरले
चन्द्रमाको दाग भित्र
जो अति रहस्यमय छ
विश्वले अध्यन गर्न सकोस्
मेट्न होइन ।।
छविना लुङ्गेली मगर
बराहक्षेत्र नगरपालिका
बाङ्गेबजार सुनसरी ।